மீண்டும் வந்துவிட்டாள் - என் முன்னால் காதலி...

மீண்டும் சந்தித்து விட்டேன்
என் முன்னால் காதலியை...

ஆம்...

யாருமில்லா மொட்டை மாடியில்
நாம் பகிர்ந்த கதைகள்...

ஊரார் உறவினர் உடனிருந்தும்
உண்மையான நண்பர்கள்
உரிமையாக உதைத்தும்
ஏனோ
உனை மட்டும் உன்னிப்பாய் ரசித்திட்ட ரயில் பயணங்கள்...

தனிமையில் கடற்கரையில்
நிலவோடு உறவாடி
பொழுதுகள் கழித்திட்ட போதும்...

தனியாகப் பயனின்றி
பேருந்தில் பயணித்த தருணங்களிலும்

நீ எனை தீண்டிய போதெல்லாம்
ஏனோ உடல் சிலிர்த்ததடி...

பல மைல் தூரம் நான் கடந்து
பார்த்திடாமல் ஏங்கியதை அறிந்ததால் தானோ
எனை காண ஓடோடி வந்துள்ளாய்
என் கண்மணியே...

என் முன்னால் காதலியே...

நீ எனை தீண்டும் போதெல்லாம்
ஏனோ என் உடல் சிலிர்க்குதடி...

சாரல் மழை...

பல மாதம் கழித்து மழையில் நனைந்துகொண்டு நடக்கையில் உதித்தது...

#சாரல்மழை #மழை #இயற்கை #இயற்கைவிரும்பி #nature #naturelover #rain #drizzle #crazeonrain #bangaloredays

ஒரு வார்த்தைச் சொல்லடி - உன்னுள் உறைகிறேன்

கண்ணெதிரே வந்தாய்
கனவிலும் கொன்றாய்
காதலிக்க தொடங்கினேன்
காணலாய் மாறினாய்

தொட்டுவிடும் தூரத்தில் நின்றாய்
நெருங்கினால் பட்டாம்பூச்சியாய் பறந்தாய்
மனதில் நிறைந்தாய்
மாயம் செய்தாய்

அன்பை உணர்ந்தேன்
அரவணைக்க ஏங்கி என்
காதலைச் சொன்னேன்
ஆசை இருந்தும் ஏற்க மறுத்தாய்

ஆயிரம் பதில்களை அள்ளி இறைத்தாய்
அவ்வப்போது தாயாய் மாறி திகைக்க வைத்தாய்

அனாதயாய் திரிந்த என்னுள் அன்பை விதைத்து
அழகான தருணங்களையும் அழியாத சுவடுகளையும் அளித்து

ஆழியலையாய் கடலில் கலந்த அழகே

கரையை வெறித்தே நிற்கிறேன்
மீண்டும் உனை கண்டிடுவேனோ என்று...

உனக்காய் தானடி வாழ்ந்தேன்
இன்று எனையே தொலைத்து தேடுகின்றேன்...

மறக்க நினைக்கவில்லை
மரணம் தந்த வலியும் பொறுக்கவில்லை...

பசியென்றுகூட சொல்ல தெரியாத பச்சிளங்குழந்தையாய் பார்க்கிறேன்
உன் மீளா உறக்கத்தை...

செல்லமே
ஒரு வார்த்தை சொல்லடி

உன் கடைசி வார்த்தைகளை
காற்றுடன் கவிபாட கரைத்துவிட்டு

உன் கல்லறையின் அருகிலே
காவியம் ஆவோம்...

#காதலியை இழந்த காதலனின் கிருக்கள்...

காதல் ஹைக்கூ... ஒற்றை வார்த்தை போதுமடி...

வான் மேகம்
வாரி வழங்கினாலும்
ஒற்றை துளிக்காய் காத்திருக்கும்
சிப்பியைப் போல்
காத்திருக்கிறேன்
உன் ஒற்றை வார்தைக்காக...

ஆனால் மழைத்துளி சிப்பியை என்றும் சேராது
என்பது கூட புரியாமல்...

(சிப்பிக்குள் மழைத்துளி விழுந்து முத்தாகும் என்பது கவித்துவத்துக்காக பயன்படுத்தப்படுபவை... சிப்பியானது கடலுக்கு அடியில் வெகு தூரத்தில் கிடைக்கக்கூடியது, மழைத்துளி கடலை தொட்டவுடன் உப்புநீராய் மாறிவிடும், எனவே மழை துளியானது சிப்பியை இயற்கையாய் என்றும் சென்றடையாது...)

Pyaar Prema Kadhal - A perfect package for Youngsters... Perfect Justification for Live in relationship too...

பியார் பிரேமா காதல்... Simply loved it... Youths filled playground select panni அதிரடிய காட்டி அசத்திட்டாங்க... Harish kalyan, perfect acting, completely justified as a middle class guy... காதலா அம்மாவானு ஹரிஷும், காதலா கனவா னு ரைசாவும், பிரியவும் முடியாம, சேரவும் முடியாம தவிக்குற தவிப்புல பளிச்சுன்னு வெளிப்படுது உண்மையான அன்பு...   First half, full romantic and extreme funny... ஹரிஷ் ரைசா காதல் போராட்டம் உச்சத்துல யுவன் இசைல, 2 dancers a வச்சி இவங்க ரெண்டு பேரு மனநிலையை அப்டியே stage performance la வெளிப்படுத்துறது பிரமாதம்... ஹரிஷ் innocent acting extraordinary... Towards climax, ஹரிஷ் நடிப்புக்கான இடம் குறையவே ரைசா அதை பயன்படுத்தி சபாஷ் வாங்கிட்டாங்க... பிக் பாஸ்ல சொல்ற மாதிரி ஓடவும் முடியாது ஒளியவும் முடியாது என்பதற்கு ஏற்றாற்போல் ஹரிஷ் ரைசாவின் நெருக்கமான இடங்களிலும் ஒளிந்து நெளிந்து ஊடுருவி இருக்கிறது கேமரா... அம்மா பாசத்துலயும், உண்மையான காதலை அழகா வெளிப்படுத்துவதிலும், கோபத்தை இடம் பாராமல் வெளிப்படுத்திவிட்டு அதற்காக வருந்துவதிலும் களக்கியிருக்கிறார் Harish... This one should always be the best performing movies of harish's career... Finally, living together ku ippudi oru justification a... Well done team... ரைசா பயன்படுத்துன அந்த ஒற்றை தமிழ் வார்த்தை (அதுவும் mute la தான்) மொத்த திரையரங்கமும் கைதட்டியது...
ஹரிஷ் கல்யாண் நடிப்பிலும், முக பாவனைகளிலும் நடிகர் கார்த்தியின் சாயல் வந்து போகிறது... சிறந்த படைப்பு ரசிக்க...

பொதுநலன் கருதி : நண்பர்களோடு, காதலரோடு போகலாம்... குடும்பத்தோடு போய் சங்கட்டத்திற்கு உள்ளாக வேண்டாம் (From a typical sounth indian guy's mindset)... A perfect movie for youngsters...

கருணாநிதி - வரலாறாய் மாறியவரின் சிறு வரலாறு - நினைவுகூர்வோம்

திராவிட முன்னேற்ற கழகத்தின் தலைவரும் முன்னாள் தமிழக முதல்வருமான, இந்தியாவின் மூத்த அரசியல் தலைவர் டாக்டர்.மு.கருணாநிதி அவர்கள் நாகை மாவட்டம் திருக்குவளையில் 1924ஆம் ஆண்டு ஜூன் 3ஆம் தேதி முத்துவேலர் - அஞ்சுகம் தம்பதிக்கு மகனாக பிறந்தார். கருணாநிதியின் இயற்பெயர் தட்சிணாமூர்த்தி.

தனது பள்ளிப் பருவத்தில் இருந்தே நாடகம், கலை, கவிதை, இலக்கியம், தமிழ் ஆகியவற்றில் மிகுந்த ஆர்வம் கொண்டிருந்தார். தனது பேச்சாற்றல், எழுத்தாற்றல் மற்றும் சமயோசித திறமையால் சிறுவயதிலேயே மிகப்பெரும் தலைவர்களின் பாராட்டுக்களையும் வாழ்த்துக்களையும் பெற்று, பிரபலமானவர். இளம்வயதிலிருந்தே பல்வேறு போராட்டங்களில் ஈடுபட்டு தன் அரசியல் ஆர்வத்தையும், தனக்கான தனி இடத்தையும் தக்கவைத்தவர். அரசியல்வாதியாக மட்டுமின்றி எழுத்தாளர், வசனகர்த்தாபி, கவிஞர், பத்திரிக்கையாளர் என பல முகங்களை கொண்டவர் கருணாநிதி. பராசக்தி, பூம்புகார், மனோகரா உள்ளிட்ட பல படங்களுக்கு வசனம் எழுதியுள்ளார். தனக்கு நடிப்பிலும் ஆர்வம் இருந்ததையடுத்து மேடை நாடங்களில் நடிக்கவும் செய்தார். இருப்பினும் அவரின் நடிப்பை விட அவரின் வசனங்களும், அவர் பயன்படுத்திட வார்த்தைகளும் தான் கருணாநிதியை உயர பறக்க வைத்தது எனலாம். இவரின் கதை வசனத்தில் வெளியான படங்கள் மிகப்பெரும் வெற்றிகளை பெற்று இன்றும் அழிக்க முடியா மறக்க முடியா காவியங்களாக ஓங்கி நிற்கிறது. இவரின் அசாத்திய திறமையால் திரைத்துறையில் தனக்கென ஓர் முத்திரை பதித்தவர் கருணாநிதி. பல மேடை நாடகங்களுக்கும் கதை வசனம் எழுதி இயக்கியும் இருக்கிறார்.

அந்த வகையில், அவர் கதை வசனம் எழுதிய நாடகம்தான் தூக்கு மேடை. இந்த நாடகத்தில் பாண்டியன் எனும் வேடத்தில் தானே நடிக்கவும் செய்தார். முற்றிலும் பகுத்தறிவு பிரச்சாரமாக அமைந்தது இந்த நாடகம். மேலும், இந்த நாடக விளம்பரத்தில் 'அறிஞர் கருணாநிதி' என்று எழுதப்பட்டிருந்தது. 'அறிஞர்' பட்டம் அண்ணாவுக்கு மட்டுமே பொருந்தும். அதை எடுத்தால்தான் தான் தொடர்ந்து நடிப்பேன் என்று திட்டவட்டமாக கூறினார். எனவே, 'கலைஞர் கருணாநிதி' என்று விளம்பரம் செய்தார் எம்ஆர் ராதா. இதைத்தொடர்ந்து மனோகரா படத்தில் முதல் முறையாக கலைஞர் கருணாநிதி என்று பெயர் பயன்படுத்தப்பட்டது.
13 முறை சட்டசபை தேர்தலில் போட்டியிட்ட கருணாநிதி ஒருமுறை கூட தோல்வியை சந்தித்ததில்லை. 5 முறை தமிழக முதல்வராக அரியணை ஏறியவர், தன் வாழ்நாளில் தோல்வி என்ற சொல்லே இல்ல அகராதியாய் வாழ்ந்தவர். தன்னை புதைக்க ஆறடி இடம் தேவையென்றாலும் அதையும் தான் போட்டியிட்டு வென்றே வாங்குவேன் என்பது போல், பல சட்ட சிக்கல் இருந்த போதிலும் அனைத்தையும் முறியடித்து, இரவலாய் வாங்கி வந்த இதயத்தை தன் அண்ணாவிடம் இறுதியாய் கொடுத்து அவர் கால் அருகிலே அமைதியாய் இளைப்பாற சென்றுவிட்டார். பல அரசியல் விமர்சனங்களுக்கு அப்பாற்பட்டு தான் ஒரு சிறந்த பொதுலக தலைவராய், குடும்ப தலைவராய், தமிழுக்கான உண்மையான போராளியாய், நண்பராய், எல்லாவற்றிற்கும் மேல் சிறந்த மனிதராய் வாழ்ந்து சென்றிருக்கிறார். பல திட்டங்களின் மூலம் ஏழை எளிய மக்கள் வாழ்வில் ஒளி ஏற்றி வைத்திருந்தாலும் இவர் கொண்டு வந்த முதல் பட்டதாரி திட்டம் இல்லையென்றால் பல குடும்பங்கள் இன்றும் பொறியியல் படிப்பை ஓரம் நின்று வேடிக்கை பார்க்கும் நிலையில் தான் இருந்திருக்கக் கூடும்.

தனது முதல் மேடை பேச்சானது அவர் 8ம் வகுப்பு படிக்கும்போது நட்பு எனும் தலைப்பில் பேசினார். அன்று முதல் அவர் இயற்கை எய்திய கடைசி நொடி வரை நட்பை தன் உயிரினும் மேலாக மதித்தவர் கருணாநிதி என்பது குறிப்பிடக்கூடியது.

தன்னை கடலிலே தூக்கிப்போட்டாலும் கட்டுமரமாக மிதப்பேன் என்று எப்பொழுதும் கூறுபவர், இனியாவது கடற்கரை காற்றை ரசித்துக்கொண்டு, தன் அண்ணாவுடன் கதை பேசிக்கொண்டு அமைதியான நீண்ட நெடும் துயில் கொள்ளட்டும்.

அன்னாரின் ஆன்மா அமைதியுற வேண்டுவோம்...

கட்டுமரமாய் மிதந்தது போதும், அமைதியாய் ஓய்வுறு ஐயா...

கலைஞர் கருணாநிதி அவர்களின் மரணம் தமிழகத்தையே கலங்க வைத்திருந்தாலும் அவரின் உடலை மெரினாவில் நல்லடக்கம் செய்ய அனுமதி மறுக்கப்பட்டுள்ளது மக்களிடையே மிகுந்த கொந்தளிப்பை ஏற்படுத்தியுள்ளது. கலைஞர் அவர்களின் உடலை நல்லடக்கம் செய்ய அண்ணா பல்கலைக்கழகத்துக்கு எதிரே உள்ள காந்தி மண்டபம் அருகே 2 ஏக்கர் அரசு நிலத்தை ஒதுக்க தயாராக உள்ளதாக தமிழக அரசு சார்பாக தெரிவிக்கப்பட்டுள்ளது.

கலைஞர் அவர்கள் எப்பொழுதும் சொல்வது போல், தன்னை கடலிலே தூக்கி போட்டாலும் கட்டுமரமாகத்தான் மிதப்பார் ஆதலால் தான் அவரின் ஆன்மாவும் பூத உடலும் அமைதியுற வேண்டும் என்பதால் அகிம்சை வழியில் போராடி நம் நாட்டிற்கு சுதந்திரம் பெற்று தந்த மகாத்மா காந்தி மண்டபம் அருகிலே நல்லடக்கம் போல்...

முத்தமிழ் அறிஞர், முன்னாள் முதல்வர் டாக்டர் மு.கருணாநிதி அவர்களின் ஆன்மா அமைதியுற வேண்டுவோம்...

கலைஞர் உடலை மெரினாவில் நல்லடக்கம் செய்ய அனுமதி மறுப்பு... அரசியல் காழ்ப்புணர்ச்சி தான் காரணமா??

மறைந்த முன்னாள் முதல்வரும், திமுக தலைவருமான கருணாநிதி அவர்களின் உடலை மெரினா கடற்கரையில் நல்லடக்கம் செய்ய தமிழக அரசு அனுமதி மறுத்துள்ளது. செயல் தலைவர் ஸ்டாலின் மற்றும் கலைஞரின் குடும்ப உறுப்பினர்களும் கட்சி தலைமை தொண்டர்களும் கலைஞரின் உடலை சென்னை மெரினா கடற்கரையில் உள்ள அண்ணா சமாதிக்கு பின்புறம் நல்லடக்கம் செய்யப்பட வேண்டும் என முதல்வர் எடப்பாடி பழனிசாமி அவர்களிடம் கோரிக்கை வைக்கப்பட்டது.

இந்நிலையில், திமுக தலைவர் கருணாநிதியின் உடலை மெரினா கடற்கரையில் நல்லடக்கம் செய்ய தமிழக அரசு அனுமதி மறுத்துள்ளது. மேலும், மெரீனாவில் அடக்கம் செய்ய பல வழக்குகள் நிலுவையில் உள்ளதாலும் சட்டச் சிக்கல்கள் இருப்பதாலும் அங்கு இடத்தை ஒதுக்க முடியவில்லை என்றும் தெரிவிக்கப்பட்டுள்ளது. மேலும், மெரீனாவுக்கு பதில் அண்ணா பல்கலைக்கழகத்துக்கு எதிரே காந்தி மண்டபம் அருகே 2 ஏக்கம் அரசு நிலத்தை ஒதுக்க தயாராக இருப்பதாகவும் தமிழக அரசின் தலைமைச் செயலாளர் கிரிஜா வைத்தியநாதன் அறிக்கை வெளியிட்டுள்ளார்.
இந்த செய்தியானது வேதனையில் இருக்கும் திமுக தொண்டர்களிடையே மிகுந்த கொந்தளிப்பை ஏற்படுத்தியுள்ளது. மேலும், இந்த முடிவானது அரசியல் காழ்ப்புணர்ச்சி காரணமாக தான் எடுக்கப்பட்டுள்ளதாக திமுக தொண்டர்கள் தெரிவித்து வருகின்றனர். மேலும், தங்கள் தலைவரான கலைஞரின் உடலை மெரினா கடற்கரையில் தான் நல்லடக்கம் செய்ய வேண்டும் என்று அழுத்தமாக தெரிவித்து வருகின்றனர். மேலும், இவர்களின் இந்த வார்த்தைகளானது ஆதங்கத்தை வெளிப்பாடாகவே பார்க்கப்படுகிறது.

கலைஞர் உடல் நிலை கவலைக்கிடமானதை தொடர்ந்து, அனைத்து மாவட்டங்களிலும் பாதுகாப்பை அதிகரிக்க உத்தரவு...

முன்னாள் தமிழக முதல்வரும், திமுக கட்சியின் தலைவருமான கலைஞர் கருணாநிதி உடல் நலக் குறைவு காரணமாக சென்னை காவேரி மருத்துவமனையில் அனுமதிக்கப்பட்டு கடந்த 11 நாட்களாக தீவிர சிகிச்சை அளிக்கப்பட்டு வந்த நிலையில் கலைஞரின் உடல் நிலை மோசமாகியுள்ளதால் காவேரி மருத்துவமனையில் கூடுதல் போலீசார் குவிக்கப்பட்டுள்ளனர்.
மேலும் மருத்துவமனை வளாகத்திற்கு அதிரடிப்படையினரும் வரவழைக்கப்பட்டுள்ளனர்.
மேலும், இன்று மாலைக்குள் கருணாநிதியின் உடல்நலம் குறித்து முக்கிய அறிக்கை ஒன்றை காவேரி மருத்துவமனை வெளியிட வாய்ப்புள்ளதாக  தெரிவிக்கப்பட்டுள்ளது. இதற்கிடையே திமுக தலைவர் கருணாநிதியின் உடல்நிலை தொடர்ந்து கவலைக்கிடமாக உள்ளதால் சென்னை காவேரி மருத்துவமனையில் கூடுதல் போலீசார் குவிக்கப்பட்டுள்ளனர். அத்துடன் அனைத்து மாவட்டங்களிலும் பாதுகாப்பை அதிகரிக்க டி.ஜி.பி. அறிவுறுத்தியுள்ளார். காவல்துறை உயர் அதிகாரிகளுக்கு டி.ஜி.பி. சுற்றறிக்கை அனுப்பியுள்ளார்.
மேலும், டி.எஸ்.பிக்கள், ஆய்வாளர்கள், உதவி ஆய்வாளர்கள் சீருடைகளுடன் காவல் நிலையங்களுக்கு பணிக்கு திரும்ப டி.ஜி.பி உத்தரவிட்டுள்ளார்.விடுமுறையில் இருக்கும் காவலர்களும் உடனடியாக பணிக்கு திரும்ப டிஜிபி உத்தரவிட்டுள்ளார்.

மெரினா நினைவிடம் வழக்கு திடீரென வாபஸ் பெறப்பட்டுள்ளது...

சென்னை மெரினா கடற்கரையில் நினைவிடங்கள் அமைக்கக் கூடாது என தொடரப்பட்ட விவகாரத்தில், அந்த வழக்கை தொடர்ந்த மனுதாரர் வாபஸ் பெற்றதால் அந்த வழக்கு தள்ளுபடி செய்யப்பட்டுள்ளது...

சென்னையின் மெரினா கடற்கரையில், முன்னாள் முதல்வர்கள் அண்ணா, எம்.ஜி.ஆர், ஜெயலலிதா ஆகியோருக்கு நினைவிடங்கள் அமைக்கப்பட்டுள்ளன. இதுபோன்ற நினைவிடங்களால், சுற்றுச்சூழல் பாதிப்பு ஏற்படுவதாக சென்னை உயர் நீதிமன்றத்தி வழக்கு தொடரப்பட்டது.

இந்நிலையில், சமீபத்தில் உடல் நலக்குறைவால் காவேரி மருத்துவமனையில் கருணாநிதி அனுமதிக்கப்பட்டார். நேற்று மாலை அவர் உடல்நிலையில் பின்னடைவு ஏற்பட்டுள்ளதாக அறிவிக்கப்பட்டது. இந்நிலையில், திமுகவினர் தரப்பில் இருந்து மெரினாவில் இடம் ஒதுக்க வலியுறுத்தப்பட்டதாக கூறப்பட்டது. ஆனால், நீதிமன்றத்தில் நினைவிடங்களுக்கு எதிராக உள்ள வழக்கை காரணம் காட்டி தமிழக அரசு கோரிக்கையை மறுத்ததாக கூறப்பட்டு வந்தது. இந்நிலையில், நீதிமன்றத்தில் வழக்கு தொடுத்த வழக்கறிஞர் காந்திமதி, தனது மனுவை திடீரென வாபஸ் பெற்றுள்ளார். இதையடுத்து இவ்வழக்கு வாபஸ் பெறப்பட்டதாக சென்னை உயர்நீதிமன்றம் உடனடியாக  அறிவித்தது...
உடல் நலக் குறைவு குணமாகி கலைஞர் கருணாநிதி அவர்கள் மீண்டு வர வேண்டும் என பல்லாயிர கணக்கான தொண்டர்கள் காத்துக்கொண்டிருக்கிறது குறிப்பிடத்தக்கது.

தமிழில் பேசி கோஹ்லியை கலங்கடித்த அஸ்வின், கார்த்திக்...

இங்கிலாந்தில் சுற்றுப்பயணம் மேற்கொண்டிருக்கும் இந்திய அணி, முன்னதாக நடந்த 20 ஓவர் தொடரை கைப்பற்றியது, அதை தொடர்ந்து நடைபெற்ற ஒரு நாள் தொடரை இங்கிலாந்து அணி வென்றது.

இந்நிலையில், தற்பொழுது இவ்விரு அணிகளுக்கு எதிரான டெஸ்ட் தொடர் துவங்கியுள்ளது. வழக்கத்துக்கு மாறாக இத்தொடரில் இந்திய அணி மிக சிறப்பாக செயல்பட்டு வருகிறது.

ஆசிய மண் அல்லாத அயல் நாடுகளில், குறிப்பாக ஆஸ்திரேலியா, இங்கிலாந்து, நியூஸிலாந்து, தென்னாபிரிக்கா போன்ற நாடுகளில் இதுவரை நடைபெற்ற தொடர்களில் ரசிகர்களுக்கு ஏமாற்றமே மிஞ்சும். அப்படி இருந்த நிலையில், தற்போதைய கோஹ்லி தலைமையிலான இந்திய அணி மிகச்சிறப்பாக ஆடி வருகிறது எனலாம். சமீபத்தில் தென்னாபிரிக்காவில் கூட இந்திய அணி குறிப்பிடும் அளவிற்கு செயல்பட்டது.

இந்நிலையில், தற்போதைய இங்கிலாந்து தொடரின் முதல் டெஸ்ட் முதல் நாளில் இந்திய அணியின் ஆதிக்கம் ஓங்கியுள்ளதை காண முடிகிறது. ஒரு காலத்தில் சுழற்பந்து வீச்சாளர்களை இந்திய மற்றும் ஆசிய மண்ணில் விளையாடும் தொடர்களில் மட்டுமே மிகுதியாய் பயன்படுத்தி வந்த நிலையில், தற்பொழுது தமிழக சுழற்பந்து வீச்சாளர் அஸ்வின் சுழலுக்கு ஈடுகொடுக்க முடியாமல் இங்கிலாந்து திணறி வருகிறது. முன்னதாக குல்தீப் யாதவின் சுழலில் சிக்கி ஒரு நாள் மற்றும் 20 ஓவர் தொடரில் திண்டாடியதையும் பார்க்க முடிந்தது.

இதற்கிடையில் நேற்றைய முதல் நாள் ஆட்டத்தில், அஸ்வின் பந்து வீசும்போது விக்கெட் கீப்பராக இருந்த தமிழக வீரர் தினேஷ் கார்த்திக் தமிழிலே பேசியும் சிரித்துக்கொண்டும் இருந்ததை கண்டு பலரும் குழப்பத்தில் நின்றனர். இதில் கேப்டன் கோஹ்லியும் ஒருவர். அவர்கள் இருவரும் தமிழில் பேசுவது புரியாமல் கோஹ்லியும் திணறுவதாய் வர்ணனையாளர்கள் கூறியதையும் பார்க்க முடிந்தது. இருப்பினும் அது ஒரு நல்ல எதிர்வினைக்காகதான் என்பதை உணர்ந்த கோஹ்லியும் அவர்களை ஊக்கப்படுத்தியதையும் காண முடிந்தது. முதல் நாளில் இந்திய அணியின் ஆதிக்கம் இருந்ததால் ரசிகர்கள் பெருமகிழ்ச்சி அடைந்தனர். இருப்பினும் 2 மற்றும் 3ம் நாள் ஆட்டத்தை பொறுத்தே இப்போட்டியின் முடிவு அமையும்.

இத்தொடரில் அஸ்வின், கார்த்திக் மற்றும் முரளி விஜய் ஆகிய மூவரும் தமிழகத்தை சேர்ந்தவர்கள் என்பது குறிப்பிடத்தக்கது.

மொழி தெரியாதவரை குறிவைக்கும் கொள்ளை கும்பல்... உஷார் பதிவு...

மொழி என்பது நம் எண்ணங்களையும் கருத்துகளையும் பரிமாறிக்கொள்ளத் தானே அன்று, அதை வைத்து பேதம் பிரிக்கவோ, வேறு பல தேவையற்ற செயல்களுக்கோ இல்லை என்பதை நாம் அறிவோம். இருப்பினும் அந்த மொழியை வைத்து பல எண்ணற்ற வகையில் ஏமாற்றிக்கொண்டிருக்கும் கூட்டமும் உண்டு (அரசியலுக்கு அப்பாற்பட்டு). நான் சமீபத்தில் என் பணிக்காக பெங்களூர் வந்தேன். மொழி தெரியா இடத்தில் நான் சந்தித்த சில இன்னல்களையும் முந்தைய பதிவில் வெளிப்படுத்தியிருந்தேன். இருப்பினும் இவ்வாறு மொழி தெரியா இடங்களில் சிக்கிக்கொண்டு ஏகப்பட்ட ஏமாற்றங்களை சந்திக்கும் மக்கள் நம்மில் பலர் உள்ளனர். அப்படி நான் சமீபத்தில் தெரிந்துகொண்ட நிகழ்வு என்னை மிகவும் சிந்திக்க வைத்துவிட்டது.
என் நெருங்கிய நண்பரின் நண்பர் ஒருவர் (அருண்), தமிழ்நாட்டில் இருந்து பெங்களூர் வருகிறார். அவருக்கு தமிழும் ஆங்கிலமும் தான் தெரியும்.  எலக்ட்ரானிக் சிட்டியில் பணிபுரியும் அந்த நண்பர் தூக்க கலக்கத்தில் சரியான இடத்தில் இறங்க தவறி, சிறிது அதாவது அவர் இறங்க வேண்டிய இடத்திலிருந்து 2-3 கி.மீ தூரம் தள்ளி இறங்குகிறார். அப்பொழுது அதிகாலை 4 மணி இருக்கும். அந்நேரத்தில் பேருந்து வசதியும் இல்லை. எந்நேரமும் உதவி செய்ய தயாராக காத்திருக்கும் கூகுள் நண்பரின் உதவியுடன் தான் சென்றடைய வேண்டிய தூரம் 2கி.மீ தூரத்தில் உள்ளது என்பதை அறிந்து கொண்டு ஆட்டோவில் சென்று விடலாம் என்று முடிவு செய்து ஆட்டோவை அழைக்கிறார் அருண். ஆட்டோவில் அந்த ஆட்டோ ஓட்டுனரின் நண்பரும் இருக்கிறார். ஆட்டோ ஓட்டுநர் அதிகாலை நேரம் என்பதால் மீட்டர் காண்பிக்கும் தொகையின் இரண்டு மடங்கு தர வேண்டும் என்று கேட்க, இரண்டு கி.மீ தானே என்று ஒப்புக்கொண்டு தன் பயணத்தை தொடர்கிறார் அருண். ஆட்டோ ஓட்டுநர் சந்து சந்தாக ஓட்டிச் செல்லவே அருணுக்கு சந்தேகம் வளுக்கிறது. ஆட்டோ ஓட்டுனரிடம் கேட்க, அவரோ முன்னுக்கு பின் முரணாக பதில் கூறுவதை உணர்ந்து தான் இறங்கிக்கொள்வதாக கூறுகிறார். இதற்கு இன்னொரு காரணமும் இருக்கிறது, தான் பயணித்து வந்த 10 நிமிட தூரத்திற்கு 4 கி.மீ பயணித்ததாய் மீட்டர் பெட்டி காட்டுகிறது. அருணோ கூகுள் அண்ணாச்சியின் உதவியால் ஆட்டோ ஓட்டுனரின் சதியை புரிந்துகொள்ள முற்படுகிறார். இறங்குவதாய் கூறியதும் இரவு நேரம் இரண்டு மடங்கு பணம் என்றும், 350+350 தரவேண்டும் என மிரட்டுவதை போல் உணர்ந்த அருண், அதிகாலை வேளையிலே மொழி புரியா ஊரிலே வேறு வழியின்றி அவர்கள் கேட்ட தொகையை (1*500, 2*100ரூ) கொடுத்து வேக வேகமாக நடக்க தொடங்கினார். சிறுது தூரம் சென்றதும் அந்த ஆட்டோவில் இருந்த ஓட்டுனரின் நண்பர் இவரை பின் தொடர்ந்து வேகமாக வருவதை உணர்ந்து என்ன என்று கேட்டார், அதற்கு, நீங்கள் 500 ரூ என்று நினைத்து 50ரூ கொடுத்துள்ளீர்கள் பாருங்க என்று கூறி 50 ரூ நோட்டை நீட்டினார். இவரும் முடிந்தவரை வாக்குவாதம் செய்து வேறு வழியின்றி இன்னொரு 500 ரூபாயை கொடுத்துவிட்டு இந்த 50 ரூபாயை வாங்கி வைத்துக்கொண்டு நடந்தார். இதை அவர் சொல்ல கேட்கும்பொழுது சற்று நகைச்சுவையாகத் தான் தோன்றியது. எளிதில் பலரை நம்பி ஏமாறும் என்னால் கூட இவர் சொன்ன நிகழ்வை நம்ப முடியவில்லை. அவர் வார்த்தைகளின் தடுமாற்றமும், தொண்டையின் அவ்வப்போது அடைப்பும், வெளியே வரலாமா வேண்டாமா என கட்டளைக்காய் காத்திருக்கும் கண்ணீரும் தான் அவரின் வேதனை வெளிப்படுத்தியது. பாவம், மொழி தெரியலனு இப்புடிலாமா ஏமாத்துவாங்கனு தோணுச்சு. ஒரு முறை ஆட்டோவில் என் பர்ஸை தொலைத்துவிட்டு வீடு வந்து சோகத்தில் அமர்ந்திருந்தேன். சரியாக 10 நிமிடத்திற்குள் என் பர்ஸை அந்த ஆட்டோ ஓட்டுநரே என் வீட்டில் வந்து கொடுத்துவிட்டு பர்சலாம் இப்புடி அசால்ட்டா வைக்காத தம்பி னு சொல்லி, நன்றி கூறி நான் குடுத்த காசையும் வாங்க மறுத்து, ஆட்டோ காச தான் அப்பயே குடுத்துட்டயேப்பா ன்னு சொன்ன ஆட்டோக்கார அண்ணன்களை பாத்த எனக்கு சத்தியமா இது ரொம்ப கேவலமா தெரிஞ்சிது. இப்போ நமக்கு தெரிஞ்சி இவரு ஏமாந்திருக்காரு, ஆனா நமக்கு தெரியாம எவ்ளோ பேரு எப்புடி எப்புடியோ ஏமாந்துருப்பாங்க. அருண் வயிறு எறிஞ்சி கொடுத்த அந்த காசு கண்டிப்பா அந்த ஆட்டோ ஓட்டுனருக்கு நல்லது பண்ணிருக்காது. இப்படியெல்லாம் வசனம் பேசுனாலும், மொழி தெரியல அதனால இவனை சுலபமா ஏமாத்திடலாம் னு எண்ணம் வர என்ன காரணம் அப்டிங்குறது தான் முக்கியம்னு எனக்கு தோணுது. இதே செயலை கண்டிப்பா அந்த ஊரு காரங்க கிட்ட அவனால பண்ண முடியாது. இப்படிப்பட்ட பிரிவினைக்கு பின்னாடியும் ஒரு பெரிய அரசியல் இருப்பதை உணர முடிகிறது. என்ன இருந்தாலும் மனிதர்களாகிய நம்மை மீறி அரசியல் ஒன்றும் செய்திட முடியாது என பல இடத்தில் நாம் உணர்ந்திருக்கிறோம். இருப்பினும் இவ்வாறான சூழ்நிலைகளில் மனிதநேயம் என்பது அறவே இல்லாமல் போவது தான் வேதனை.

ஆழமான அற்புதங்களை கொண்ட கடைக்குட்டி சிங்கம்

பாண்டிராஜ் என்ற ஒற்றை பெயருக்காகத்தான் உண்மையாக படத்திற்கு சென்றேன்... ஆனால் வெளியில் வரும்பொழுது அப்படி ஒரு ஆனந்தம், மனநிறைவு... இமானின் இசையில் நனைய துவங்கியதிலிருந்து, மூன்று தேவதைகளின் அழகில் மெய்சிலிர்த்து, அழகான ஆழமான பாசப் பொழிவில் கண்ணீரை மறைத்திட முடியவில்லை... கார்த்தி கடைக்குட்டி சிங்கமாக வாழ்ந்திருக்கிறார். பாசம், வீரம், காதல், உரிமை, சொந்தம் என அத்தனையும் அம்சம்... சூரியின் துணையின்றி சிறப்புற செய்திருக்க வாய்ப்பில்லை எனலாம்... பல தருணங்களில் ஏன் கிட்டத்தட்ட ஒவ்வொரு காட்சியிலும், கார்த்தியின் நிலையில் என் தனிப்பட்ட நிலையை கச்சிதமாக பொருத்தி பார்க்க முடிகிறது... சுற்றி எங்கு பார்த்தாலும் அக்கா, அக்கா மகள்கள் என பல காட்சிகளிலும் சூழல்களிலும் என் நிலையை பார்த்தது போலவே தெரிந்தது... காதாநாயகிகளாக 3 தேவதைகள், ஜாடிக்கேத்த மூடியாய்... #கார்த்தி #பாண்டிராஜ் #இமான் #சூரி... இந்த கூட்டணிக்கு மிக்க நன்றி... தமிழ் படத்திற்கு சீட்டு கிடைக்காததால் இப்படத்திற்கு சென்று, தமிழ் பாரம்பரியத்தில் வாழ்ந்த நிறைவோடு வெளியே வந்தேன்... ஒவ்வொரு காதாபாத்திரமும் அவ்வளவு ஆழம்... தாய்மாமன் ஒவ்வொருவனும் தன் அக்கா மகளை தன் மகளாய் தான் வளர்க்கின்றனர் என்ற கருத்துக்கு

This story may feel too much for few, but it personally connected with me a lot...

முதல் நாள் இன்று...

நெய்வேலியில் இரவு 12 மணியளவில் துவங்கிய பேருந்தில் தொடங்கியது பெங்களூரை நோக்கிய என் முதல் பயணம்... ஸ்லீப்பர் கடைசி பெர்த்தில் அமைந்தது என் இருக்கை (படுக்கை)... ஆடி குலுங்கி அல்லோலப்பட்டு அரைத்தூக்கத்தில் நான் இருக்க, மடிவாளா கடைசி ஸ்டாப் எல்லாம் எறங்கிக்கோங்க என்ற குரல் ஒலித்ததும் அவசர அவசரமாக இறங்கினேன்... படியில் கால் வைத்து இறங்க முற்படுகையில் அவ்வளவு வரவேற்பு... ஆட்டோக்கார அண்ணன்கள்... என்னை அழைத்து செல்ல ஆனந்த் வந்து கொண்டிருக்கிறான், சென்னைக்கு மிக மிக அருகில் என்று சொல்வதை போன்ற வெகு தூர இடத்தில் இருந்து... கீழிறங்கியதும் முதல் அதிர்ச்சி, ஜியோ செயலிழந்துள்ளது. அதில் மட்டும் தான் அழைக்கும் வசதியும் டேட்டா வசதியும் உள்ளது... என்ன செய்வதென்று புரியவில்லை... மெதுமெதுவாக நடந்தேன், ரோட்டுல போறவன வளுக்காட்டாயமா இழுத்து உள்ள போட்டுடுவாங்க போல அந்த அளவுக்கு இருந்துச்சு ஆட்டோக்கார அண்ணன்கள் அழைப்பு... அப்பப்போ நண்பர் Seshadry சொன்ன வார்த்தைகள் வந்து வந்து போகும், டேய் மறந்து கூட ஆட்டோல ஏறிடாத அவ்ளோ தான்னு... இப்போ தான் புரிஞ்சிது ஏன் அப்புடி சொன்னான்னு... சரினு தயக்கத்துடன் 25 வயது மதிக்கத்தக்க ஒரு நண்பரிடம் சென்று விடயத்தை கூறி கைபேசியை கேட்டேன்... எல்லா கதையையும் கேட்டு சரி சரி என்று சொல்லி விட்டு, கையில் இருந்த கைபேசியை பாக்கெட்டுக்குள் வைத்துக்கொண்டு நடக்க தொடங்கினார்... சிறிது தூரம் நடந்து இன்னொருவரிடம் கேட்டு நண்பன் Anand க்கு அழைப்பு செய்தேன்... என் நேரம், ஆர்ப்பரிக்கும் அடைமழையில் சப்தம் கேட்கவில்லை போலும் இரு முறை முயற்சித்தேன், பயனில்லை... நன்றி கூறி நடந்தேன்... நேரம் என் இதய துடிப்பை விட வேகமாய் ஓடிக்கொண்டிருந்தது... கடவுள் செயலாய் ஒரு தமிழ் நண்பரை கண்டுகொண்டு என் நிலையை கூறினேன்... தான் சேலம் தான் என்று அறிமுகப்படுத்திக்கொண்டு தன் கைபேசியை கொடுத்தார், இருமுறை முயற்சித்தும் Anand அழைப்பை எடுக்கவில்லை, அந்த நண்பரே தான் இந்த எண்ணுக்கு குறுஞ்செய்தி அனுப்பி என்னை அழைக்க கூறுவதாக கூறினார். சரி என்று கொட்டும் மழைக்கு குடைபோல் விரிந்திருந்த மரத்தின் அடியில் அமர்ந்தேன்... நல்ல வேளையாக அமர்ந்தவுடன் பல மாதங்களாக பயன் படுத்தாமல் டம்மியாக வைத்திருந்த சிம்முக்கு Anand அழைத்தான், பெருமூச்சு விட்டுக்கொண்டு பேசினேன், நான் 5 மணிக்குலாம் கெளம்பிட்டேன் டா, 7.15 க்குலாம் மடிவாளா வந்துடுவேன் அங்கேயே இரு என்று சொன்னான்... சரி சரி டா நீ பொறுமையா வா ஒன்னும் அவசரம் இல்ல, ஆனா வீட்டுக்கு போன் பண்ணி நான் பெங்களூரு வந்துட்டேன்னு அம்மாட்ட சொல்லிடு னு சொல்லிட்டு என் காத்திருப்பை தொடர்ந்தேன்... நேரம் உறைய உறைய மழையின் வேகம் அதிகரித்தது... கொளுத்தி எடுத்த வெயிலுக்கு என்ன செய்வதென்று புரியாமல் இருந்த என்னை, அடை மழையோடும் கடுங்குளிரோடும் வரவேற்றது பெங்களூர்... ஒரு வழியா Anand வந்தடைந்தான். ஒரு 200 அடி தொலைவில் இருந்தும் ஒருவரை ஒருவர் சென்றடைய கிட்டத்தட்ட அரை மணிநேரம் ஆனது... அவன் சொல்ற இடம் ஒன்னு கூட என் கண்ணுல படல, அப்றம் தான் கண்டு பிடிச்சோம் இருவரும் வெவ்வேறு திசையில் இருக்கிறோம் என்று...அது ஒரு பெருங்கூத்து...
எப்படியோ தேடி கண்டுபிடிச்சி ஹோட்டல் க்கு சென்றடைந்தோம்...

Do you feel vomiting sensation while travelling??? Have a look over...

It was actually yellow days... Very hot summer vacation and also a very happy days where we could meet all our friends and relatives since all have annual holidays where schools leave off children to their parents to show them how it's difficult to talk care of their kids in the remaining 10 months. And most importantly, its a month full of religious functions which is very famous in tamil named chithirai thiruvizha. We along with my relatives and cousins brothers and sisters were getting ready to go to our native for a temple renewing function called kovil kumbaabishegam in tamil. We were all getting ready from 4 am so as to get the bus sharply at 8 in the morning... Everything is set and we all started our journey. I basically love travelling since I use to travel a lot in bus. But due to very hot climate outside i was not feeling good from the past 2-3 days but was enjoying the rare happenings of all my friends and cousins coming together to my house. And we caught the bus and luckily i got the window seat nearby my grand mother. As the bus started i started feeling like vomiting but I could not tell it to anybody in the fear that i know what could i get back... Also i was wearing new dress and i was seriously having severe head ache too... With no other go, i informed it to my grand mother. She gave some water to drink, and also she gave some first aid like but none could actually stop my feel of vomiting... I was given with a lemon to smell and lot more, but they could not actually control my feel... Then we got down in one of our destination and we need to take another bus... but I could not control and started to vomit... I feel exactly like vomiting but actually i am not vomiting ... Seriously i dont find words to describe those feelings... Atlast my grand ma suggested an idea and bought green  cucumber and gave me to eat... I don't like that taste since i know after eating that when I drink water or eat anything it will be as bitter as anything... And without any choice, getting harsh words and few actions blocks from my mom i ate that... After that i was seriously amazed... Within next 10 minutes all those vomiting sensation went off and i am completely normal... What a power a cucumber has... From then on i started to eat cucumber often, especially in summer days... Just a simple suggestion from grand ma and everything went in its way... That's what is actually called as experience is the best teacher... And old is always gold...We are running behind something thinking it's the correct way but actually we are moving away from our tradition, culture and all... And the main thing is that, after this incident whenever I face any physical problem, i use to call to my grand ma and gets her opinion and most often the thing she tells cures me effectively rather than english medicines.... Have u faced any such situations or do u have anything to share about this??? Kindly do share in comment section... Thank u...

What a real maturity is??? Committed guys are most welcome

Few days back, I had a fight caused due to misunderstanding with my bestie and at the right time her whatsapp status stated, The true mark of maturity is when someone hurts you and you try to understand their situation instead of trying to hurt them back.

When I came to see that, i got personally connected with that statement and I could realise that the status is actually for me...

Then i followed with my reply status marked, the real maturity is moving away when you understand you are no more important to a person whom you always prioritise highly...

Then it continued very long... Nearly 6 hours in precise... Infact, we have never had a fight lasted for more than half a day...

But when the same incident, which is very emotional to these two is viewed through a third person, it actually looks funny and also irritated to some...

But here, both of them loving each other, caring each other and both don't want to miss each other... But their misunderstanding and possessiveness does the rest...

Actually, the real maturity is being matured to understand each other along with their situation and travel in the direction of heart at times rather than always travelling with the mind i guess...

Am i correct??? or could u elaborate your views on this in comment section please... Thanks...

Happy Transgenders day... (April 15)

Happy transgenders day... (APR 15 அன்று எழுதியது)

#Personal_experience

இது தெரிய வந்த மறுகணமே எனக்கு ஒரு சம்பவம் நினைவிற்கு வந்தது...

ஒரு வருடத்திற்கு முன், அலுவலக பணி காரணமாக, transgenders and gays பற்றிய researchகாக அவர்களில் சிலரை நேர்காணல் எடுக்கும் வாய்ப்பு கிடைத்தது... பல புதிய மற்றும் ஆழ் மனம் தொடும் பல விஷயங்கள் தெரிய வந்தது... அவர்கள் கூறிய பல சம்பவங்கள் எங்களை கலங்க வைத்தது... அவ்வகையில் இருவரின் தொடர்பு கிடைத்தது... வேறு ஏதும் தகவல் அல்லது உதவிக்கு கைபேசி எண்களை பகிர்ந்தோம்... அதில் ஒருவர், என் whatsapp status ai தொடர்ச்சியாக பார்த்து வந்தார்... சில நாட்கள் கழித்து அவரிடம் இருந்து முதல் குறுந்தகவல் வந்தது...
அண்ணா உங்க whatsapp status எல்லாம் அருமையா இருக்கு... கவிதைகளும் hykoo வும் சிறப்பு... எங்களுக்காக நீங்கள் ஒரு கவிதை எழுத முடியுமா என்று கேட்டார்...
அப்போ நான் சொன்னேன், ஐயோ எனக்கு கவிதை லாம் எழுத தெரியாது மா... சும்மா தோணுவதை எழுதுவேன் அவ்ளோ தான் மா... serious sensible issues lam எழுத ஆரமிக்கலனு சொன்னேன்... நன்றி அண்ணா...உங்கள் கற்பனையும் எழுத்தும் தானே கவிதை... என்பதோடு முடித்துக்கொண்டார்...

இது என் மனதில் ஒலித்து கொண்டே இருந்தது, 4, 5 நாட்கள் கழித்து ஒரு குறுஞ்செய்தியை நான் அனுப்பினேன்...
நீங்க கேட்டதை யோசிச்சிட்டே இருந்தேன்... ஒன்னு தோணுச்சு எழுதிருக்கேன்... என்று...

என் உயிரை கொடுத்து 

உன்னை காக்க முடியும், 

ஆனால் 

உனக்கோர் உயிர் கொடுத்து 

காக்க முடியவில்லையே...

என்று...

அதற்கு அவர், அண்ணா, சத்தியமா, எல்லாரும் நாங்க பாவம், கஷ்ட படறோம், பிச்சை எடுக்குறோம், தப்பு பண்றோம், னு தான் எழுதுவாங்க... நீங்களும் அப்டி தான் எழுதுவீங்க னு நெனச்சேன்... ஆனா எங்க ஆழ் மன வேதனையை வெளி கொண்டு வந்துருக்கீங்க ரொம்ப நன்றி னு சொன்னாங்க...

ரொம்ப சந்தோச பட்ட சில தருணங்களில் அதும் முக்கியமானது...

Happy transgenders day...

இனியொரு பிறவி வேண்டாமடி எந்த ரூபத்திலும் உனக்கு... அன்பு தங்கை Asifa

மாதவிடாய் நாட்களில் புறம் தள்ளப்படும் பெண்கள், கற்பழிக்கப்படுகிறார்கள் கோவில் கருவறையில்...
பாதுகாப்போடு...

8 நாட்களாம்....

கண் முன் நடந்த இந்த செயலை, அவள் தொழுத கடவுளும் காக்கவில்லை, அந்த கோவிலுக்குள் இருந்த கடவுளும் தடுக்கவில்லையெனில், கடவுள் நம்பிக்கை தேவை தானா என எனக்குள் கேட்டுக்கொள்கிறேன்...

அவன் அவன் வீட்ல நடக்காத வரை இவை வெறும் செய்தியே...